அலுவலக கண்ணாடியின்
அப்பால் ஒரு அழகான காகம்
தர்பண் எள் சோறு படிந்த 
அதன் அலகு மர்மம் உறைந்த்தாய்

பணி அழுத்தம் என்று
அவசரமாய் விழுங்கிய‌
வோட்காவுடன்

அவசர கலவிக்காய்
அரைகுறை மனதுடன் எப்போதும்
நான்

ம‌ஞ்ச‌ள்மல‌ர் பூக்கும்
ம‌ர‌த்தின் அடியில்
நாக‌த்தின் கொஞ்ச‌லில்
சாரை க‌ருப்ப‌ட்டி வாச‌த்துட‌ன்

என் உள்ளாடையை
விய‌ர்வை ந‌னைக்க‌
விரைவாக‌ நான்
க‌ற்ப‌னை க‌லைந்து
க‌ணினி முன்

வாழ்க்கைதேடி வந்த நகரத்தில்
பறவைகளுக்கு கூட அவரசம்
பற்றிக்கொள்கிறது
பூங்காவில் அமர்ந்து
ஃபூக்கோவை படித்து
நிமிர்கையில்
முட்டியது மூத்திரம்

அவசரமாய் இடம்தேடி
கண்ணுக்கு எட்டியதெல்லாம்
கண்ணாடி மாளிகையே

நீண்ட பயணத்தில்
மர்ம உறுப்புகளின்
மர்மத்தை வெறுத்த‌
பஸ்நிலைய கழிப்பறை
எப்போதும் வசிகரமாய்

எனக்கும் என் மனதிற்குமான‌
ஓர் மெல்லிய பாலம்
எத்தனை முறை கடந்து இருக்கிறேன்
சுகமான திரும்பல்களுடன்

ஒருநாள் எண்ணவேட்கையில்
என்னுடன் கடந்துவிடுகிறேன்
திரும்ப நேர்கையில் 
எத்துனை வலிகளும் ரணங்களும்